Ná jienastat gieldaválggain dorvvolaččat koronaáigge

  • Ane muohtomáskka dehe muohtovisiirra, juos dasa ii lea árru. 
  • Doala aŋkke 2 mehtera gaskka earáide.
  • Geavat giehtadesi, mii jienastanbáikkiin lea fállun. 
  • Čuovo válgavirgeolbmuid addin rávvagiid. 

Identitehta dárkkisteapmi jienastanbáikkis

  • Geige iežat identitehtaduođaštusa válgavirgeolbmo almmuhan báikái.
  • Geavat giehtadesi.
  • Juos válgavirgeolmmoš bivdá du váldit máskka eret, váldde máskka iežat ámadajus nu ahte bealljefárffuide goappánai bealde. 
  • Doala máskka fárffuin oba dárkkisteami áigge. 
  • Go oaččut válgavirgeolbmos lobi, de cokka máskka iežat nala várrugasat guoskkakeahttá muođuidat. 
  • Geavat giehtadesi. Rája iežat identitehtaduođaštusa. 

Ná barggat, juos don leat karantenas dehe dus leat vuoigŋanoalledávdamearkkat

Jienasteddjiid, geat leat vuoigŋanoalledávdamearkkalaččat ja karantenas, várás lea plánejuvvon sierradoaibmabijut jienasteami vejolažžan dahkama. Doaibmabijut lea das sorjavaččat buohccátgo don ovdajienastanáigge vai válgabeaivvi. Doaibmabijut sáhtte molsašuddat maid gielddaid mielde. Čuovo iežat gieldda válgadieđiheami.

Ovdajienastanáigge ruovttueatnamis 26.5.–8.6.2021 ja olgoriikkain 2.–5.6.2021

Juos dus leat vuoigŋanoalledávdamearkkat, mana koronadestii ja vuordde deastabohtosa ovdal go jienastat ovddalgihtii. 

Juos don leat eaktodáhtus karantenas, oide olgojienasteami dehe vuordde karantena nohkama ovdal go jienastat. 

Juos don leat doaktára mearran karantenas, ale boađe ovdajienastanlanjadahkii. Don sáhtát jienastit olgojienastanbáikkis njoammudávdadoaktára addin rávvagiid mielde. Don sáhtát molssaeavttu mielde almmuhit iežat ruovttujienastussii 1.6.2021 d. 16 rádjái.  

Son, guhte lea doaktára mearran erremis, ii oaččo vuolgit ruovttus jienastanbáikái. Vuordde errema nohkama ovdal go jienastat.  

Válgabeaivvi 13.6.2021

Juos dus lea válgabeaivve vuoigŋanoalledávdamearkkat dehe don leat eaktodáhtus karantenas, jienas jienastanbáikki rávvagiid mielde. 

Juos dieđát iežat leat válgabeaivvi doaktára mearran karantenas, váldde oktavuođa gieldda válgaeiseválddiide vejolašvuođas jienastit olgun. Ale boađe sisa válgalanjadahkii. 

Son guhte lea erremis erremis, ii oaččo vuolgit ruovttustis jienastanbáikái.

Juos báikkálaš dearvvašvuođa eiseválddit addet spiehkasteaddji rávvagiid, nu dat doahttaluvvojit dán rávvaga sajes. Lassidieđuid ja rávvagiid oaččut nuvttá válgabálvalantelefovnnas 080 094 770 ja iežat gieldda koronainfos.

Rávvagat dorvvolaš jienasteamis koronaáigge leat ráhkadan ovttasbarggus vuoigatvuođaministeriija ja Dearvvašvuođa ja buresbirgejumi lágádus.

Dasa lassin mii leat čohkken Gažaldagat ja vástádusat gieldaválggaid ortnegiin koronapandemiija áigge. (suomagillii)