31.10.2022 15.29

Jiõnstummuš ålggjânnmin

Tuu ålggjânnmin ååreeʹn õuddjiõnstem da vaalpeeiʹv ääiʹj vuäitak jiõnsted juʹn-a Lääʹdd eeʹttkâʹsttõõzzin, ǩeeʹrj mieʹldd leʹbe lääʹdd päärhooʹdin. 

Ålggläʹddla leʹbe ålggjânnmin põõššjen jälsteei jiõnnvuõiggâdvuõttneeʹǩǩ lie jiõnnvuõiggâdvuõttum parlameʹnttvaalin da presideʹnttvaalâst di europarlameʹnttvaalin še, jos sij jie iʹlmmtõõđ jälstemriikkâs vaal-loǥstõʹǩǩe. Ålggläʹddla jie leäkku jiõnnvuõiggâdvuõttum kåʹddvaalin da vuʹvddvaalin.

Ǩeʹrjj-jiõnstummuš 

Ålggjânnmin ǩeeʹjjmieʹldd õuddjiõnstempââʹj da vaalpeiʹvven jälsteei leʹbe ååreei vuäiʹtte jiõnsted takai vaalin ǩeeʹrj mieʹldd ålggjânnmin. Ålggläʹddlast leʹbe põõššjen ålggjânnmin jälsteeʹjest ij leäkku jiõnnvuõiggâdvuõtt kåʹdd- da vuʹvddvaalin. 

Ǩeʹrjj-jiõnstummuž haaʹleei jiõnnvuõiggâdvuõttneǩ tiʹllai ǩeʹrjj-jiõnstemäʹššǩiiʹrjid vuõiggâdvuõttministeria tiʹllʼjõskääzzkõõzzâst ålggjânnmid, mâŋŋa tõi vuäǯǯmõõžž jiõnast da maaccad jiõnâs vuõlttõskonfeârtt seʹst Lääʹddjânnma jiijjâs dommkååʹdd kõõskõsvaal-luʹvddkådda vaali meäʹrtõllum mieʹrrääiʹj seʹst. Ǩeʹrjj-Jiõnstemäʹššǩiiʹrjid vuäitt tiʹllʼjed ääiʹjmõsân kolmm määnpââʹj õuʹddel vaalpeeiʹv.