31.10.2022 15.15

Vuʹvddvaal 

Vuʹvddvaalin vaʹlljeet vuʹvddväʹlddõskooʹddid pueʹrrvââjjamvuuʹdid, koi vaʹstteem vueʹlnn lie sosiaalhuâl, tiõrvâsvuõtthuâl da peälštemtooiʹm jäʹrjstummuš 1.1.2023 ääʹljeeʹl. Vuʹvddvaalid tooiʹmtet õhttna kåʹddvaalivuiʹm neellj eeʹjj kõõski.

Vuʹvddvaali vaalkruuggân lij pueʹrrvââjjamvuʹvdd 

Jälstempäikkad meäʹrtââll, koon pueʹrrvââjjamvuuʹd võboršeeʹǩǩ vuäitak jiõnsted. Pueʹrrvââjjamvuuʹd lie 21. Heʹlssnest jälsteei jie jiõnâst vuʹvddvaalin, ko Heʹlssnest sosiaal- da tiõrvâsvuõtthuâlast di peälštemtooiʹmest vaʹsttad gåårad. Vuʹvddvaalid jeät še tooiʹmtuku Ålaand mäddkååʹddest.

Pueʹrrvââjjamvuuʹd pââimõs tuʹmmeemvääʹld âânn vuʹvddväʹlddõskåʹdd, koon vuäzzlaid da väärrniiʹǩǩid vaʹlljeet  vuʹvddvaalivuiʹm. 

Jiõnstummuš vuʹvddvaalin

Vuʹvddvaalin lij kõõččmõš tääʹrǩes, juõʹǩǩka aarǥ kuõskki aaʹššin. Vuʹvddvaalin vuäitt jiõnsted da äʹlǧǧed võboršeʹǩǩen juõʹǩǩkaž tiuddâkksâž kõõččmõõžžâst åårrai pueʹrrvââjjamvuuʹd aassi. Võboršiiʹǩǩid vuʹvddvaalin vuäiʹtte piijjâd peällõkrekisteera mieʹrǩǩuum peällõõǥǥ da vaʹlljeeiõhttõõzz.