Ovdâskoddevaaljâi puátuseh neetist 2.4. tme 20 rääjist
Pasepeeivi 2.4. toimâttemnáál ovdâskoddevaaljâi puátusij algâtiäđuh almostittojeh neetist riehtiministeriö puáđuspalvâlusâst valjâeehid tijme 20 rääjist.
Puátusij algâtiäđuin muštâluvvojeh rekinistem ovdánem mield piäláduvâi jienâmereh já jienâuásih oles staatâst, valjâpirrâduvâi mield, kieldâin já jienâstemkuávluin. Iävtukkâskuáhtáseh jienâmereh almostittojeh tađe mield, ko jienârekinistem valmâštuvá jieškođe-uv jienâstemkuávlust. Väljejum ulmuuh almostittojeh talle, ko algârekinistem lii valmâštum jieškođe-uv valjâpirrâduvâst.
Puátuseh almostittojeh rekinistem valmâštum maŋa meid luođimnáál tiätuvuárkkán.
Valjâpirrâdâhlävdikodeh nannejeh vaaljâi puátusijd koskoho 5.4. čuákkimijnis, moh älgih majemustáá tme 18 já tast maŋa nannejum puátuseh peividuvvojeh puáđuspalvâlusân.
Jienâstem ovdâskoddevaaljâin valjâpeeivi
Tiäđuh valjâpeeivi jienâstemsaajeest kávnojeh jienâvuoigâdvuotâalmottâsâst. Jienâstemsaje puáhtá selvâttiđ meid neetist aanestyspaikat.fi-kárttápalvâlusâst tâi tom puáhtá koijâdiđ vaaljâi nuuvtá palvâlemnumerijn 0800 9 4770 (suomâkielân) já 0800 9 4771 (ruotâkielân).
Almottâs jienâvuoigâdvuođâst lii puáttám Digi- já aalmugtiätuvirgáduvâst jo-uv reivân pááikán tâi Suomi.fi-palvâlusân. Almottâs vuolgâttui šleđgâlávt sijjân, kiäh láá tiilám virgeomâhâštiäđáttâsâid Suomi.fi-palvâlusân.
Jienâsteijee kalga čäittiđ tuođâštus persovnvuođâstis jienâstemsaajeest. Persovnvuođâ puáhtá tuođâštiđ virgálii koválii äššikirjijn, tego vyeijimkorttáin tâi poolis mieđettem persovnkorttáin já passijn.
Lasetiäđuh:
valjâhovdâ Arto Jääskeläinen, p. 0295 150 128, ovdânommâ.suhânommâ@gov.fi
sierânâsäššitobdee Laura Nurminen, p. 0295 150 008, ovdânommâ.suhânommâ@gov.fi
sierânâsäššitobdee Elina Siljamäki, p. 0295 150 248, ovdânommâ.suhânommâ@gov.fi
Ovdâskoddevaaljâi puáđuspalvâlus neetist
Lyetitteijee tiäđuh ovdâskoddevaaljâin já jienâstmist kávnojeh riehtiministeriö valjâsiijđoin www.vaalit.fi/smn/ovdasijdo
Vaalit.fi: Jienâstem valjâpeeivi
Jienâstemsajeh kárttáást www.aanestyspaikat.fi
