Jienasteapmi olgoriikkain

Go don leat olgoriikkain ovdajienasteami ja válgabeaivvi áigge, de don sáhtát jienastit juogo Suoma ovddastagain, reivve bakte dehe suopmelaš dámppain. 

Olgosuopmelaččat dehege olgoriikkain bissovaččat orru jietnavuoigadahtton olbmot leat jietnavuoigadahtton olbmot riikkabeaivveválggain ja presideanttaválggas sihke maid europarlameanttaválggas, juos sii ilmmut iežaset orrunriikkaset válgalogahallamii. Olgosuopmelaččat eai leat jietnavuoigadahtton olbmot gielddaválggain ja guovlluválggain. 

Reivejienasteapmi 

Olgoriikkain oba ovdajienastanáigge ja válgabeaivve orrut ja orodeaddjit sáhttet jienastit almmolaš válggain reivve bakte olgoriikkain. Olgosuopmelaččain dehege bissovaččat olgoriikkain orrus ii leat jienastanriekti gieldda- ja guovlluválggain. 

Jietnavuoigadahtton olmmoš, gii háliida jienastit reivve bakte, diŋgo reivejienastanáššegirjjiid vuoigatvuođaministeriija diŋgonbálvalusas olgoriikkaide. Go son lea ožžon daid, de son jienasta ja máhcaha iežas jiena sáddenkonfaluhtas Supmii iežas ruovttugieldda guovddášválgalávdegoddái válgaguovdasaččat meroštallojuvvon mearreáigge siste. Reivejienastanáššegirjjit sáhttá diŋgot áramusat golbma mánu ovdal válgabeaivvi.