EU-válggat 2024

Suomas ordnejuvvojit čuovvovaš EU-válggat dahjege europarlameanttaválggat geassemánus 2024. Jienastemiin don váikkuhat dasa, geat ovddastit Suoma Eurohpa parlameanttas čuovvovaš vihtta jagi.

EU-válggat doaimmahuvvojit seamma áigge buot EU:a lahttoriikkain.

Eurohpa parlamentii válljejuvvojit 720 lahtu dahjege meppi, geat ovddastit Eurohpa uniovnna álbmotlahtuid uniovnna dásis. Suomas parlamentii válljejuvvojit 15 lahtu. Válljejuvvot boahtima maŋŋá, parlameantta lahtut dábálaččat servet man nu Eurohpa viidosaš politihkalaš jovkui.

Eurohpa parlameanta lea Eurohpa uniovnna álbmotovddastuslágádus, mii ásaha lágaid ja dohkkeha EU:a bušeahta ovttas Eurohpa uniovnna ráđiin. Dan lassin parlameanta gohcá kommišuvnna ja EU:a virgebáikkiid.

Suopmelaš evttohasat leat evttohassan olles riikkas nu, ahte don sáhtát jienastit sis gean beare.    

Don sáhtát jienastit jogo ovddalgihtii dahje válgabeaivve

Dieđu ovdajienastanbáikkiin gávnnat válggaid diehto-ja boađusbálvalusas.

Dieđu válgabeaivve jienastanbáikkis gávnnat jienastanvuoigatvuođaalmmuhusas. 

Ná jienastat  ovddalgihtii ja válgabeaivve.

Lassedieđuid jienasteamis oaččut nuvttá bálvalannummiris 0800 9 4700 (fi & en) ja 0800 9 4771 (sv & en) ja maiddái WhatsApp-bálvalusas 050 438 8730.
 

Gii oažžu jienastit?

EU-válggain jienastanvuoigatvuohta lea juohkehaččas Suoma riikavuložis dahje Suomas ássi ja jietnavuoigatvuođaregistarii almmuhan EU-riikavuložis, guhte lea deavdán 18 jagi maŋimustá 9.6.2024.

Jietnavuoigadahtton olmmoš oažžu jienastit dušše ovtta EU lahttoriikkas: juogo iežas ruovtturiikkas dahje dan riikkas, gos ássá.

Lassedieđut jienastanvuoigatvuođas Suomas

Almmuhus jienastanvuoigatvuođas

Jos dus lea vuoigatvuohta jienastit, dutnje sáddejuvvo jienastanvuoigatvuođaalmmuhus. Jienastanvuoigatvuođaalmmuhus sáddejuvvo jogo poastta fárus dahje elektrovnnalaččat Suomi.fi-bálvalussii jietnavuoigadahtton olbmo iežas almmuhusa mielde. Lassedieđuid bálvalusas gávnnat čujuhusas suomi.fi/viestit.

Lassedieđut válggain Eurohpa parlameantta siidduin 
Lassedieđut Eurohpa viidosaš politihkalaš joavkkuin

Eurohpa parlamentii

Eurohpa parlamentii válljejuvvojit ovddasteaddjit viđa jagi gaskkaid.  

Eurohpa parlameantta barggut 

Eurohpa parlameanta lea dehálaš Eurohpa uniovnna dási politihkalaš mearrádusdahkama ja ságastallamiid forum. Eurohpa parlameanta ásaha lágaid, mat váikkuhit beaivválaš eallimii. Parlameanta mearrida maid EU bušeahttaárvvoštallamis. 

Eurohpa parlameantta (EP) lea okta Eurohpa uniovnna láhkamearridanorgánain. EU-riikkavuložat válljejit dan lahtuid njuolggoválggaiguin, mat ordnejuvvojit buot lahttoriikkain juohke viđat jagi. Europarlameanttaválggat doaimmahuvvojit dađi lági mielde, ahte guhtege lahttoriika ordne válggaid iežas álbmotlaš láhkaásaheami olis. 

Eurohpa parlameantta lahtut 

2020 guovvamánu rájes Eurohpa parlameanttas leat 705 lahtu dehege parlamentarihkkara. Guđege lahttoriikkas sáhttet leat eanemusat 96, muhto unnimusat 6 lahtu. Suomas válljenvuloš Eurohpa parlameantta lahtuid mearri lea 14. 

Eurohpa parlameantta lahtut organiserejit iežaset politihkalaš joavkkuid mielde, eai riikkavulošvuođa mielde. Politihkalaš joavkku ceggemii dárbbahuvvojit 25 lahtu unnimusat čieža lahttoriikkas. 

Gean sáhttá jienastit europarlameanttaválggain? 

Bellodagat ja válljenovttastusat sáhttet ásahit evttohasaid europarlameanttaválggaide. Ásahuvvon evttohasat leat evttohassan olles riikkas. 

Don sáhtát jienastit europarlameanttaválggas, juos deavddát 18 maŋemus válgabeaivve ja don leat Suoma riikkavuloš. Maiddái eará EU lahttoriikka riikkavuložat sáhttet jienastit Suomas europarlameanttaválggain dihto eavttuid mielde. Loga fáttás lasi suomagielalaš siidduin.