Jienasteapmi ruovttus

Jagi 2024 presideantaválggas jienasteaddji galgá almmuhit iežas gieldda guovddášválgalávdegoddái čálalaččat dahje telefovnnain maŋimustá maŋŋebárgga 16.1.2024 ovdal diibmu 16, ahte háliida jienastit ruovttus.

Oaččut jienastit ovddalgihtii ruovttus, juos du návccat lihkadit ja bargat leat dan mađe gáržon, ahte don it beasa ruovttueatnama ovdajienastanbáikái dehe válgabeaivve jienastanbáikái almmá mearehis váttisvuođaid haga. 

Ruovttujienasteamis jienasteaddji ruoktot boahtá sohppojuvvon áigemuttus gieldda guovddášválgalávdegotti nammadan válgadoaibmaolmmoš, gii váldá jienastusa vuostá. Jienasteaddji ferte ilmmuhit hálos jienastit ruovttus iežas gieldda guovddášválgalávdegoddái čálalaččat dehe telefovnna bakte maŋemusat 12 beaivvi ovdal válggaid. Guovddášválgalávdegotti telefonnummár ja čujuhus gávdnojit jienasteaddjái boasttas boahtán ilmmuhusgoarttas. Jienasteaddji beales ilmmuhusa sáhttá dahkat maid su válljen olmmoš. 

Ruovttujienasteami olis sáhttá jienastit maid ruovttujienasteddjiin oapmahašdikšu, gii orru seamma dállodoalus. Oapmahašdikšu jienasteamis ferte ilmmuhuvvot gieldda guovddášválgalávdegoddái oktanaga go dahkkojuvvo dieđiheapmi ruovttujienasteamis.