Oktavuohtadieđut

Gažaldagain, mat gusket válggaid ja jienastanbáikkiid, sáhtát leat oktavuođas iežat gieldda guovddášválgalávdegoddái. Gieldda guovddášválgalávdegoddi atná ávvira válggaid oppalašordnedemiin gielddas. Gielddaid guovddášválgalávdegottiid oktavuohtadieđuid gávnnat suomagielalaš siiddus.

Vuoigatvuođaministeriijas lea jienasteddjiid várás nuvttá bálvalannummár 0800 9 4770 (suomagielalaččaide) ja 0800 9 4771 (ruoŧagielalaččaide). Bálvalannummár lea rabas golmma mánu áigge ovdal boahtte válggaid. Ulbmil lea, ahte jienasteaddji sáhttá diđoštallat nummáris ovdajienastanbáikkiid čujuhusaid ja rabasáiggiid. Go jienasteaddji jearrá, de nummáris addojuvvojit maid guovddáš jienastanrávvagat (identitehtaduođaštus mielde jna.) sihke veahkehuvvo reivejienastanmateriála diŋgon vejolaš gažaldagain. 

Almmolaš válggain alimus válgaeiseváldin doaibmá vuoigatvuođaministeriija, mas lea oppalašovddasvástádus válggaid doaimmaheamis. Ministeriija koordinere válggaid válmmastallanbarggu ja das lea ovddasvástádus eará eiseválddiid rávvagiid addimis.