Ilmmuhus jienastanrievttis sáddejuvvo buot jietnavuoigadahtton olbmuide

Digi- ja álbmotdiehtovirgelágádus bajásdoallá jienasteaddjiregistara, mas leat buot jietnavuoigadahtton olbmuid dieđut. Jienastanregistarii ii dárbbaš čálihit iežas. Suomagielalaš siidduin sáhtát dárkkistit, maid ákkaid vuođul don leat jietnavuoigadahtton sierra válggain. 

Oaččut ilmmuhusgoartta elektrovnnalažžan, juos don leat váldán atnui Digi- ja álbmotdiehtovirgelágádusa fállan elektrovnnalaš Suomi.fi-dieđáhusbálvalusa dehe Suomi.fi-dieđáhusaid (lassidiehtu suomagillii čujuhusas www.suomi.fi/viestit.)

Jienastanriekteilmmuhusas leat rávvagat jienasteapmái, diehtu iežat ovdajienastanbáikkis válgabeaivve sihke das, man gielddas dehe válgabiirres evttohassan álgán olbmuid dus lea riekti jienastit. Jienastanriekteilmmuhusa ii dárbbaš váldit mielde jienastanbáikái, identitehtaduođaštus lea nohkka.