Iʹlmmtõõzz jiõnnvuõiggâdvuõđâst vuõltteet pukid jiõnnvuõiggâdvuõttniiʹǩǩid

Digi- da meerteâttkoontâr tuõʹllai jiõnsteeirekisteeʹr, koʹst lie puki jiõnstemvuõiggâdvuõttniiʹǩǩi teâđ. Jiõnsteeirekisteera ij taarbâž iʹlmmtõõttâd jiõčč. Lääʹddǩiõllsaž seeidast vuäitak tääʹrǩsted, mõõn vuâđald leäk jiõnnvuõiggâdvuõttneʹǩǩen jeeʹres vaalin.

Vuäǯǯak iʹlmmtõskoort liâdǥlaž häämast, jos leäk välddam ââʹnnma Digi- da meerteâttkonttâr taʹrjjeem liâdǥlaž  Suomi.fi-saakk-kääzzkõõzz leʹbe Suomi.fi-teâđtõõzzid (lââʹssteâđ lääʹddǩiõʹlle addrõõzzâst www.suomi.fi/viestit.)

Jiõnnvuõiggâdvuõttiʹlmmtõõzzâst lie vuäppõõzz jiõnstummša, teâđ õuddjiõnstempaaiʹǩin, vaalpeeiʹv jiõnstempääiʹǩstad di tõn pirr, koon kååʹddest leʹbe koon vaalkruuggâst šiõttuum võboršiiʹǩǩid tuʹst lij vuõiggâdvuõtt jiõnsted. Jiõnnvuõiggâdvuõttiʹlmmtõõzz ij taarbâž väʹldded mieʹldd jiõnstempäikka, persoontuõđštõs riʹjttai.