Teâtt vaalin
Tän sijddu noorât vuâđđteâđ sääʹmǩiõʹlle takai vaalin, kook lie vuʹvddvaal, kåʹddvaal, parlameʹnttvaal, europarlameʹnttvaal da presideʹnttvaal.
Lääʹddjânnmest tooiʹmtet täid takai väʹlddkååddlaž vaalid:
- parlameʹnttniiʹǩǩi vaal (parlameʹnttvaal) juõʹǩǩ neelljad eeʹjj,
- tääʹssvääʹld presideeʹnt vaal (presideʹnttvaal) juõʹǩǩ kuuđad eeʹjj,
- vuʹvdd- da kåʹddvaalid õhttna juõʹǩǩ neelljad eeʹjj,
- Euroopp parlameeʹnt vaalid (europarlameʹnttvaal) juõʹǩǩ viiđad eeʹjj.
Vaali lââʹssen vueiʹtet tooiʹmted še takai jiõnnvuõiggâdvuõʹtte vuâđđõõvvi
- raʹvvjeei riikklaž meerjiõnstõõzzid da
- raʹvvjeei kååddlaž meerjiõnstõõzzid.
Sääʹmteʹǧǧvaali jäʹrjstummšest da teâđtummšest vaʹsttad Sääʹmteʹǧǧ.
Vaali teâtt- da puåđõskääzzkõõzz
Takai vaalid da tõi puåđõõzzid kuulli puåđõs da -statistikk-kääzzkõõzzid taʹrjjee vuõiggâdvuõttministeria, Statistikk-kõõskõs da Digi- da meerteâttkoontâr. Vaali puåđõõzz peeiʹvtâʹvve reaalääiʹjest vuõiggâdvuõttministeria puåđõskääzzkõʹsse.
Liŋkk vuõiggâdvuõttministeria teâtt- da puåđõskääzzkõʹsse