Vuáđu tiäđuh vaaljâin
Taan siijđon čuággoo vuáđutiätu sämikielân almolijn vaaljâin, moh láá kuávluvaaljah, kieldâvaaljah, ovdâskoddevaaljah, europarlamentvaaljah já presidentvaljâ.
Suomâst olášuteh čuávvoid almolijd väldikodálijd vaaljâid:
- aalmugovdâsteijei vaaljah (ovdâskoddevaaljah) jyehi niäljád ive,
- täsivääldi president valjâ (presidentvaljâ) jyehi kuuđâd ive,
- kuávlu- já kieldâvaaljah siämmáá ääigi jyehi niäljád ive,
- Euroop parlament vaaljah (europarlamentvaaljah) jyehi viiđâd ive.
Vaaljâi lasseen puáhtá olášuttiđ meid almolii jienâvuoigâdvuotân vuáđuduvvee
- rääđiadeleijee staatâlijd aalmugjienâstmijd já
- rääđiadeleijee kieldâlijd aalmugjienâstmijd.
Sämitiggevaaljâi orniimist já tieđeetmist västid Sämitigge.
Vaaljâi tiätu- já puáđuspalvâlusah
Almoláid valjáid já toi puátusáid lohtâseijee puáđus- já lovottâhpalvâlusâid fäälih riehtiministeriö, Lovottâhkuávdáš (Tilastokeskus), já Digi- já aalmugtiätuvirgádâh. Vaaljâi puátuseh peividuvvojeh reaalääigi riehtiministeriö puáđuspalvâlusân.
Liŋkkâ riehtiministeriö tiätu- já puáđuspalvâlusân