Maht puáhtá jienâstiđ

Tun puávtáh jienâstiđ jo-uv ovdil vaaljâid munejienâstmist tâi valjâpeeivi. Tun puávtáh jienâstiđ tuše ohtii. Valjâpeeivi tun puávtáh jienâstiđ tuše ton jienâstemsaajeest, mii lii merkkejum tunjin vuolgâttum jienâvuoigâdvuotâalmottâsâst. 

Munejienâstemääigi tun puávtáh jienâstiđ muuneeld mon peri munejienâstemsaajeest päikkienâmist tâi olgoenâmijn. Munejienâstemsajeh láá

• päikkienâmist kieldâi meridem munejienâstemsajeh 
• maaŋgah Suomâ ovdâstâsah olgoenâmijn
• lájádâsah, tego pyecceiviäsuh, sosiaalhuolâttâs toimâohtâduvah já ráŋgáštâslájádâsah. Lájádâsâin pyehtih jienâstiđ tuš tain tipšomnáál orroo tâi toid valdum ulmuuh. 
• syemmiliih taampah, moh láá olgoenâmijn munejienâstem ääigi. Tamppâjienâstmist uážžuh jienâstiđ tuš taampâ pargeeh, mađhâšeijeeh iä paste jienâstiđ taampâst.