EU-vaaljah 2024

Suomâst uárnejuvvojeh čuávuvááh EU-vaaljah ađai europarlamentvaaljah kesimáánust 2024. Jienâstmáin tun vaikuttah toos, kiäh ovdâsteh Suomâ Euroop parlamentist čuávuvái viiđâ ive ääigi.

EU-vaaljah toimâttuvvojeh siämmáá ääigi EU puoh jeessânstaatâin. 

Euroop parlamentân väljejuvvojeh 720 jesânid ađai meppid, kiäh ovdâsteh Euroop union aalmugjesânijd union tääsist. Suomâst parlamentân väljejuvvojeh 15 jesânid. Ko šaddeh väljejuđ, te parlament jesâneh táválávt seervih monnii Euroop vijđosii poolitlii juávkun.

Euroop parlament lii Euroop union aalmugovdâstemlájádâs, mii aasât laavâid já tuhhit EU budjet oovtâst Euroop union rađđijn. Toos lasseen parlament kocá komissio já EU virgáduvâid.

Syemmiliih iävtukkâsah láá iävtukkâssân oles enâmist, te tun puávtáh jienâstiđ kiän peri iävtukkâs.  

Tun puávtáh jienâstiđ jo-uv muuneeld tâi valjâpeeivi

Tiäđu munejienâstemsoojijn tun kaavnah vaaljâi tiätu- já puáđuspalvâlusâst.

Tiäđu valjâpeeivi jienâstemsaajeest tun kaavnah jienâvuoigâdvuotâalmottâsâst.

Návt tun jienâstah muuneeld já valjâpeeivi.

Lasetiäđuid jienâstmist tun finniih nuuvtá palvâlusnumerist 0800 9 4700 (fi & en) já 0800 9 4771 (sv & en) sehe WhatsApp-viestâpalvâlusâst 050 438 8730.

Kii uážžu jienâstiđ?

EU-vaaljâin jienâvuoigâdvuotâ lii Suomâ jyehi aalmugjesânist teikâ Suomâst ässee já jienâregisterân almottâttâm EU-aalmugjesânist, kote lii tiävdám 18 ihheed majemustáá 9.6.2024.

Jienâvuoigâdvuođâlâš uážžu jienâstiđ tuš oovtâ EU-jeessânstaatâst: jo-uv jieijâs päikkistaatâst tâi ton staatâst, kost sun áásá.

Lasetiäđuh jienâvuoigâdvuođâst Suomâst.

Almottâs jienâvuoigâdvuođâst

Jis tust lii vuoigâdvuotâ jienâstiđ, te tunjin vuolgâttuvvoo jienâvuoigâdvuotâalmottâs. Jienâvuoigâdvuotâalmottâs vuolgâttuvvoo jo-uv poostâ peht tâi šleđgâlávt Suomi.fi-palvâlusân jienâvuoigâdvuođâlii jieijâs almottâs mield. Lasetiäđuid palvâlusâst tun kaavnah čujottâsâst suomi.fi/viestit.
 

Lasetiäđuh vaaljâin Euroop parlament siijđoin 
Lasetiäđuh Euroop vijđosijn poolitlijn juávhuin

Euroop parlamentân

Euroop parlamentân väljejuvvojeh Suomâ ovdâsteijeeh viiđâ ive kooskâi.

Euroop parlament pargoh 

Euroop parlament lii tehálâš Euroop union tääsi pooliitlii miärádâstoohâm já savâstâlmij foorum. Euroop parlament aasât laavâid, moh vaigutteh piäiválii elimân. Parlament meerrid meid EU budjetárvuštâlmijn. 

Euroop parlament (EP) lii ohtâ Euroop union lahâasâttemorgaanijn. EU-aalmugjesâneh väljejeh ton jesânijd njuolgâ valjâiguin, moh uárnejuvvojeh jyehi jeessânstaatâst jyehi viiđâd ive. Europarlamentvaaljah toimâttuvvojeh tienuuvt, ete jieškote-uv jeessânstaatâ uárnee vaaljâid jieijâs aalmuglii lahâasâttem raamij siste.

Euroop parlament jesâneh

Kuovâmáánu 2020 aalgâ rääjist Euroop parlamentist láá 705 jesânid ađai parlamiänttárid.  Jieškote-uv jeessânstaatâst pyehtih leđe enâmustáá 96, mutâ ucemustáá 6 jeessân. Suomâst valjimnáál Euroop parlament jesânij meeri lii 14.

Euroop parlament jesâneh ornijduveh poolitlij juávhui mield, iä aalmugjeessânvuođâi mield. Pooliitlii juávhu hammiimân annojeh 25 jesânid ucemustáá čiččâm jeessânstaatâst. 

Kiäm puáhtá jienâstiđ europarlamentvaaljâin?

Piäláduvah já väljejeijeeseervih pyehtih asâttiđ iävtukkâsâid europarlamentvaljáid. Asâttum iävtukkâsah láá iävtukkâssân oles staatâst.

Tun puávtáh jienâstiđ europarlamentvaaljâin, jis tun tiävdáh 18 ihheed majemustáá valjâpeeivi já tun lah Suomâ aalmugjeessân. Meid eres EU jeessânstaatâ aalmugjesâneh pyehtih jienâstiđ Suomâst europarlamentvaaljâin tiätuiävtuiguin. Luuvâ fáádást lase suomâkielâlijn siijđoin.