Iävtukkâsân

Taan siijđost tun kaavnah tiäđuid tast, ete maht puáhtá asâttuđ iävtukkâssân vaaljâin. Vuoigâdvuotâ asâttuđ iävtukkâssân vaaljâin lii vuáđuvuoigâdvuotâ. Iävtukkâs, kote šadda väljejuđ vaaljâin, finnee tiäđu valjiimist vaaljâi puáttus nannee virgeomâháást.

Valjâtohálâšvuotâ

Valjâtohálâšvuotâ uáivild tohálâšvuođâ šoddâđ väljejuđ toimâorgaanân, mii väljejuvvoo vaaljâin. Valjâtohálâšvuotâ lii iähtu iävtukkâssân asâttuumân. Jieškote-uv vaaljâi valjâtohálâšvuotâkriterijd tun kaavnah suomâkielâlijn siijđoin.

Iävtukkâsân asâttum

Tun puávtáh asâttuđ iävtukkâssân vaaljâin

registeristum piäláduv iävtukkâssân
väljejeijeeseervi iävtukkâssân

Piäláduvah merideh jieijah jieijâs iävtukkâsâid njuolgâdusâidis vaattâm vuovvijn. Jis tun halijdah piäláduv iävtukkâssân, te vääldi njuolgist ohtâvuođâ ton piäládâhân.

Väljejeijeeseervi vuáđđudmân tarbâšuvvojeh

ovdâskoddevaaljâin ucemustáá 100 siämmáá valjâpirrâduvâst jienâvuoigâdvuođâlâš olmožid
presidentvaaljâst ucemustáá 20 000 jienâvuoigâdvuođâlâš olmožid
kieldâvaaljâin ucemustáá 10 siämmáá kieldâst jienâvuoigâdvuođâlâš olmožid. Kieldâin, moi ässeeloho lii enâmustáá 1 500, väljejeijeeseervi pyehtih vuáđudiđ kulmâ ulmuu já kieldâin, moi ässeeloho lii 1 501–2 000, vittâ ulmuu
europarlamentvaaljâin ucemustáá 2 000 jienâvuoigâdvuođâlâš olmožid
kuávluvaaljâin ucemustáá 50 pyereestvaijeemkuávlust ässee jienâvuoigâdvuođâlâš olmožid

Väljejeijeeservi vuáđuduvvoo rähtimáin vuáđudemäššikirje, mast kalgeh leđe iärásij juávhust čuávvoo tiäđuh:

iävtukkâs nommâ,
jyehi tuu kyeditteijee ulmuu nommâ, šoddâmäigi já čujottâs sehe vuáláčaalâ, mast kyeditteijee nannee, ete sun lii jienâvuoigâdvuođâlâš koččâmušâst orroo valjâpirrâduvâst tâi kieldâvaaljâin áášánkullee kieldâst.

Kyehti piäláduv tâi eenâb pyehtih toohâđ valjâlito. Kyehti väljejeijeeseervi tâi eenâb pyehtiđ toohâđ ohtsâšlisto.

Iävtukkâsasâttâllâm nannejuvvoo já iävtukkâsnumereh almostuveh 31. peeivi ovdil valjâpeeivi.