Ohtâvuotâtiäđuh

Valjáid já jienâstemsoojijd kyeskee koččâmušâin tun puávtáh leđe ohtâvuođâst jieijâd kieldâ kuávdášvaljâlävdikoodán. Kieldâ kuávdášvaljâlävdikodde huolât vaaljâi almolijn orniistâlmijn kieldâst. Kieldâi kuávdášvaljâlävdikuudij ohtâvuotâtiäđuid tun kaavnah suomâkielâlijn siijđoin.

Riehtiministeriöst lii jienâsteijei várás mávsuttes palvâlemnummeer 0800 9 4770 (suomâkielâláid) já 0800 9 4771 (ruotâkielâláid). Palvâlemnummeer lii ávus kuulmâ mánuppaje ääigi ovdil puáttee vaaljâid. Tárguttâs lii, ete jienâsteijee puáhtá tiäđuštâllâđ numerist munejienâstemsoojij čujottâsâid já ávusorroomaaigijd. Numerist adeleh meid kuávdášlijd jienâstemravvuid (persovntuođâštus fáárun jna.), jis jienâsteijeeh taid koijâdeh, sehe išedeh reivâjienâstemmateriaal tiiláámân lohtâseijee koččâmušâin. 

Almolijn vaaljâin alemus valjâvirgeomâhâžžân tuáimá riehtiministeriö, mast lii almosovdâsvástádâs vaaljâi tooimâtmist. Ministeriö koordinist vaaljâi valmâštâllâmpargo já västid ravvui addelmist nubbijd virgeomâháid.