Almottâs jienâvuoigâdvuođâst vuolgâttuvvoo puoh jienâvuoigâdvuođâláid

Digi- já aalmugtiätuvirgádâh paijeentuálá jienâvuoigâdvuotâregister , mast láá jyehi jienâvuoigâdvuođâlii tiäđuh. Jienâvuoigâdvuotâregisterân  ij taarbâš almottâttâđ jieš. Suomâkielâlijn siijđoin tun puávtáh tärhistiđ, ete moin aggáin tun lah jienâvuoigâdvuođâlâš jieškote-uv vaaljâin.

Tun finniih almottâskoortâ šleđgâlâžžân, jis tun lah váldám anon Digi- já aalmugtiätuvirgáduv faallâm šleđgâlii Suomi.fi-viestâpalvâlem tâi Suomi.fi-tiäđáttâsâid (lasetiäđuh suomâkielân čujottâsâst www.suomi.fi/viestit.)

Jienâvuoigâdvuotâalmottâsâst láá ravvuuh jienâstmân sehe tiäđuh munejienâstemsoojijn, jieijâd jienâstemsaajeest valjâpeeivi sehe tast, ete mon kieldâst tâi valjâpirrâduvâst asâttum iävtukkâsâid tust lii vuoigâdvuotâ jienâstiđ. Jienâvuoigâdvuotâalmottâs ij taarbâš väldiđ fáárun jienâstemsajan, persovntuođâštus pijssáá.