Siijđoi niästádâsah

Niästádâsah láá uccâ tekstâtiätuvuárháh, maid laađđâm vyerkkee kevttee piergâsân. Niästádâsâiguin tahhoo máhđulâžžân eereeb iärrás kevttee toohâm valjiimij, tego kielâvaljim, siäiluttem, ko kevttee sirdâšuvá nettisiijđoin siijđost nuubán.

Vaalit.fi:st kiävttojeh sehe siijđoi toimâm tááhust velttidmettum niästádâsah já kevtteečuávvum niästádâsah.

Velttidmettum niästádâsâi vievâst visásmittoo nettisiijđoi teknisâš toimâm, iäge toh kevttuu eres tárguttâssáid. Nettisiijđoin toimâm tábáhtuvá ain syeijejum ohtâvuođáin (https).

Siijđoin kiävtust orroo ij-velttidmettum niästádâsah láá kevtteečuávvum niästádâsah. Mij tuáivup, ete tun tuhhiittah meid ij-velttidmettum niästádâsâid, moi vievâst mij viggâp ovdediđ siijđoid. Nurrum tiätu ij kevttuu markkânistmân, ige čuávvum tiäđuh adeluu staatârääđi ulguubel. Tuše ministeriöh pyehtih kevttiđ nubijdis kevtteečuávvumtiäđuid nettiviestâdem oovdedmân.

Niästádâsâi kevttim já kevtteečuávvum mii siijđoin lii olášuttum oovtâst staatârääđi kansliain. Palvâlemfällen tuáimih staatâ tiätu- já viestâdemtekniikkuávdáš Valtori já ton sopâmuškyeimih Ambientia Group Oy (almostittemvuáháduv toimâtteijee), Snoobi Technology B.V. (kevtteečuávvum fällee) já Cloudflare, Inc. (siskáldâsjyehimviermi fällee) sehe Amazon Web Services, Inc. (serverkapasiteet fällee).

Toos lasseen vaalit.fi-nettipalvâlusâst noreh kevtteetiäđuid uássin digitaallii palvâlusváávlán kyeskee EU-asâttâs (EU) 2018/1724 olášuttem čuávvum. Digitaallii palvâlusváávlán lohtâseijee siijđost noreh siijđo url-čujottâs lasseen kevttei mere, kevttei staatâ sehe kevttum kiäjuspiergâs. Tiäđuh norrojeh nomâttemmin iäge toh spesifistuu ulmui/ulmuid. 

Tiäđuh láá tuš riehtiministeriö, EU-komissio sehe asâttâsâst mainâšum aalmuglij koordinistei kiävtust. Nurrum tiäđuh siäiluttuvvojeh EU-komissio tiätuvuárhást enâmustáá kuulmâ ive ääigi, mon maŋa toh sikkojeh automaatlávt.

Velttidmettum niästádâsah

COOKIE_SUPPORT
Almostittemvuáháduv (Liferay) stellim niästádâs, mii siäilut tiäđu niästádâsâi suovvumist laađđâm asâttâsâin. Niästádâs lii vyeimist ive.

GUEST_LANGUAGE_ID
Almostittemvuáháduv niästádâs, mii siäilut tiäđu kevttee kielâvaljiimist já vyerkkee tom čuávuváá siijđost kollim várás. Niästádâs lii vyeimist ive.

JSESSIONID
Almostittemvuáháduv niästádâs, mii kiävttoo ovtâstittiđ kevttee suu jieijâs kevttimpuudân. Niästádâs lii vyeimist siijđost kollim ääigi.

LFR_SESSION_STATE_10161
Almostittemvuáháduv niästádâs, mii kiävttoo kevttee kevttimpuudâ äigistemppâl vuorkkiimân já kevttimpuudâ nuhâmist váárutmân. Niästádâs lii vyeimist ive.

AWSALB, AWSALBCORS  
Amazon stellim niästádâsah, moi ulmen lii tassiđ serverij kuormim já visásmittiđ, ete kevttee kevttimpuddâ ij potkân, já pyereed tienuuvt kevtteevuáttámuš. Majemuš niästádâs visásmit siijđoi olmâ toimâm uđđâsumos laađđâmversioiguin. Niästádâsah láá vyeimist oho.

__CF_BM, _CFUVID, CF_CLEARANCE
Palvâlempirrâs niästádâsah, moh kiävttojeh botti- já háittujotoluv, sehe volliitmij tubdâmist já tuástumist. Niästádâsah láá vyeimist 30 minuttid tâi siijđoin kollim ääigi.

YJA_COOKIE_ACCEPTANCE
Valtori stellim niästádâs, mii siäilut tiäđu niästádâsâi tuhhitmist tâi kieldimist laađđâmist (niästádâsbanner). Niästádâs lii vyeimist ive.

Kevtteečuávvum niästádâsah

Jis kevttee lii tuhhiittâm niästádâsâi kevttim, te siijđoi kevtteečuávvum norá siijđoi kiävtust almolijd lovottâhtiäđuid, maid aneh ävkkin nettipalvâlus oovdedmist já kvaliteettarkkuumist. Taah tiäđuh láá ovdâmerkkân sijđo, mon peht kevttee poođij sijđoid, läđđejum siijđoh, sijđolaađđâmij äigimuddo, nettiserver já kevttimvuáhádâh sehe kevttee internet-palvâlusfällee.

Kevtteečuávvum vuáđuld ij lah tárguttâs tubdâstiđ ovtâskâs ulmuid, iäge IP-čujottâsah vyerkkejuu tievâslâžžân. Kevttee IP-čujottâs kiävttoo kuittâg ton seelvâtmân, ete mon ornijdumán tot IP-čujottâs lii registeristum já mii lii kevttee eennâmtieđâlâš sajadâh.

SnoobiID
Niästádâs registerist kevttei ovtâskâs tubdâldâs. Niästádâs lii vyeimist kyehti ive.

Snoobisession_vaalit_fi
Kiävttoo siäiluttiđ kevttimpuudâ tiäđuid tassaaš, ko kevttee vuálgá meddâl siijđoin. Niästádâs lii vyeimist kevttimpuudâ ääigi.

Snoobi30minute_vaalit_fi
Kiävttoo siäiluttiđ kevttimpuudâ tiäđuid enâmustáá 30 minuttid oovtâ kevttimpuudân, veikâ kevttee monâččij-uv koskâttuvâi nube siijđon tâi laađđâm koskâloostân.

Niästádâsâi kevttim kieldim

Vaalit.fi-siijđoin lii kiävtust niästádâsbanner. Kevttee puáhtá siijđoin kolliistâldijn adeliđ miettâm ij-velttidmettum niästádâsâi sehe lahtosij kiävtun.

Jis kevttee ij tuhhit niästádâsâid, te meid ij-velttidmettum niästádâsah tâi lahtoseh iä stellejuu.

Jis kevttee lii iästám niästádâsâi vuorkkim laađđâm asâttâsâin tâi kiävttá laađđâm priivaat-tiileest, te niästádâsbanner valjim ij pyevti vuorkkiđ. Jis laađđâmist lii alne "Do not track" -tile (ele čuávu), te niästádâstuhhiittem ij koijâduu, peic siijđo tooimâ tááhust velttidmettum niästádâsah tuhhiittuvvojeh automaatlávt, já eres niästádâsah hilgojeh automaatlávt.

Kevttee puáhtá mutteđ jieijâs tolebáá toohâm niästádâsvaljim spokkâlmáin vyelni orroo liiŋkâ. Liiŋkâ spokkâlem čáittá niästádâsbanner uđđâsist.

Liiŋkah eres palvâlussáid

Mii siijđoin orroo liiŋkah já jyehimpuáluh sosiaallii media palvâlussáid iä sirde kevttest tiäđuid táid palvâlusfälleid, jis liiŋkâid tâi jyehimpuáluid ij spokkâl. Sosiaallii media palvâlusâi niästádâsâin finnee tiäđu jieškođe-uv palvâlus tiätusyejičielgiittâsâin.

Siijđoi já tiätujotoluv teknisiih lokitiäđuh

Siijđoi tiätujotolâhohtâvuođâin já kiävtust noreh teknisijd lokitiäđuid, moh tarbâšuvvojeh nettipalvâlus pyevtitmân já tiätutorvolâšvuođâst huolâtmân. Lokitiäđuh aneh sistees tiäđuid, maid puáhtá ovtâstittiđ persovnân, tego IP-čujottâs já äigistemppâl. Taah lokitiäđuh kiävttojeh tuš palvâlus máhđulâžžân tohâmân tiätujotolâhviermist sehe feilâtile já tiätutorvospiekâstmij seelvâtmân.

Nettipalvâlus pyevtitmân ja tiätutorvolâšvuođâst huolâtmân lohtâseijee persovntiäđui kieđâvušmân lii tárbu riehtiministeriö lahâaasâtlij kenigâsvuođâi nuávditmân tiätusyejiasâttâs miäldásávt.

Lasetiäđuh persovntiäđui kieđâvušmist riehtiministeriöst 

Ohtsâšregistertuálleeh

Riehtiministeriö vaalit.fi-siijđoh tuáimih staatârääđi ohtsii almostittemvuáđust (YJA). Taan tiet riehtiministeriö já staatârääđi kanslia láá ohtsâšregistertuálleeh persovntiäđui kieđâvušmist riehtiministeriö nettisiijđoin. Riehtiministeriö västid jieijâs siijđoi siskáldâsâst, já ana ävkkin siijđoi kevtteečuávvum jieijâs pargoi hoittáámist. Luuvâ ovdâsvástádâssuorgijn já tiätusyejivuoigâdvuođâin tärhibeht siijđost Ohtsâšregistertuállei ovdâsvástádâsyergih/Yhteisrekisterinpitäjien vastuualueet (suomâkielân).