EU-vaal 2024

Lääʹddjânnmest jäʹrjstet pueʹtti EU-vaalid leʹbe europarlameʹnttvaalid ǩieʹssmannust 2024. Jiõnsteeʹl vaaiktak tõõzz, ǩeäk eeʹttkâʹstte Lääʹddjânnam Euroopp parlameeʹntest pueʹtti vitt eeʹjj.

EU-vaalid tooiʹmtet õhttna pukin EU vuäzzlažriikkin.  

Euroopp parlamentta vaʹlljeet 720 vuäzzliʹžžed leʹbe mep, kook eeʹttkâʹstte Euroopp Unioon meerlaid unioon tääʹzzest. Lääʹddjânnmest parlamentta vaʹlljeet 15 vuäzzliʹžžed. Mâŋŋa vaʹlljummšest parlameeʹnt vuäzzla tääuʹjmõsân õhttne koon-ne Euroopp veiddsaž poliittlaž jouʹǩǩe.

Euroopp parlameʹntt lij Euroopp Unioon meereeʹttkâʹsttemstrooiʹtel, kååʹtt šiõttad laaʹjjid da preemm EU tällõsarvvlõõzz õõutsââʹjest Euroopp Unioon suåvtõõzzin. Lââʹssen parlameʹntt vuåpp komissio da EU veʹrǧǧkonttrid.

Lääʹdd võboršeeʹǩǩ lie võboršeʹǩǩen pirr jânnam nuʹtt, što vuäitak jiõnsted seeʹst ǩeän täättak.    

Vuäitak jiõnsted juʹn õuddǩiõʹtte leʹbe vaalpeeiʹv

Teâđ õuddjiõnstempaaiʹǩin kaaunak vaali teâtt- da puäđõskääzzkõõzzâst.

Teâđ vaalpeeiʹv jiõnstempääiʹǩstad kaaunak jiõnnvuõiggâdvuõttiʹlmmtõõzzâst.

Nääiʹt jiõnstak õuddǩiõʹtte da vaalpeeiʹv.

Lââʹssteâđ jiõnstummšest vuäǯǯak määusteʹmes kääzzkõsnââmrest 0800 9 4700 (fi & en) da 0800 9 4771 (sv & en) di WhatsApp-saakk-kääzzkõõzzâst 050 438 8730

Ǩii vuäǯǯ jiõnsted?

EU-vaalin jiõnnvuõiggâdvuõtt lij juõʹǩǩ Lääʹddjânnam meerlast leʹbe Lääʹddjânnmest jälsteei da jiõnnvuõiggâdvuõttrekisteera iʹlmmtõõttâm EU-meerlast, kååʹtt lij teâuddam 18 eeʹǩǩed mââimõõzzâst 9.6.2024.

Jiõnnvuõiggâdvuõttneǩ vuäǯǯ jiõnsted tåʹlǩ õõut EU vuäzzlažjânnmest: dommriikkâst leʹbe tõn riikkâst, koʹst jäälast.

Lââʹssteâtt jiõnnvuõiggâdvuõđâst Lääʹddjânnmest

Iʹlmmtõs jiõnnvuõiggâdvuõđâst

Jos tuʹst lij vuõiggâdvuõtt jiõnsted, tuʹnne vuõltteet jiõnnvuõiggâdvuõttiʹlmmtõõzz. Jiõnnvuõiggâdvuõttiʹlmmtõõzz vuõltteet pååʹšt mieʹldd leʹbe liâđǥlânji Suomi.fi-kääzzkõʹsse jiõnnvuõiggâdvuõttneeʹǩǩ jiiʹjjes iʹlmmtõõzz mieʹldd. Lââʹssteâđ kääzzkõõzzâst kaaunak addrõõzzâst suomi.fi/viestit.

Lââʹssteâtt vaalin Euroopp parlameeʹnt seeidain 
Lââʹssteâtt Euroopp veiddsaž poliittlaž jooukin

Euroopp parlamentta

Euroopp parlamentta vaʹlljeet Lääʹdd eeʹttkõʹsttjid viiđ eeʹjj kõõski.

Euroopp parlameenʹt tuâj 

Euroopp parlameʹntt lij tääʹrǩes Euroopp Unioon tääʹzz poliittlaž tuʹmmstõktuâj da saǥstõõllmõõžži foorum. Euroopan parlameʹntt šiõttat laaʹjjid, kook vaaikte juõʹǩǩpeivvsaž jieʹllma. Parlameʹntt meäʹrrad še EU budjeʹttärvvlõõzzâst. 

Euroopp parlameʹntt (EP) lij õhtt Euroopp Unioon lääʹjjšiõtteeʹjin. EU-meerla vaʹlljee tõn vuäzzlaid vuõigg vaalivuiʹm, koid jäʹrjstet pukin vuäzzlažriikkin juõʹǩǩ viiđad eeʹjj. Europarlameʹnttvaalid tooiʹmtet nuʹtt, što juõʹǩǩkaž vuäzzlažriikk jääʹrjast vaalid jiijjâs meersaž lääʹjjšiõttummuž seʹst.

Euroopp parlameeʹnt vuäzzla

Täʹlvvmannu 2020 aalǥâst looǥǥeeʹl Euroopp parlameeʹntest lie 705 vuäzzliʹžžed leʹbe parlameʹnttneʹǩǩed.  Juõʹǩǩ vuäzzlažriikkâst vuäiʹtte leeʹd jeänmõsân 96, leša ooʹccmõsân 6 vuäzzliʹžžed. Lääʹddjânnmest vaʹlljeemnalla åårrai Euroopp parlameeʹnt vuäzzlai mieʹrr lij 14.

Euroopp parlameeʹnt vuäzzla riâššâʹtte poliittlaž joouki mieʹldd, jie meersažvuõđ mieʹldd. Poliittlaž joouk raajjmõʹšše taarbšet 25 vuäzzliʹžžed ooʹccmõsân čiččmešt vuäzzlažriikkâst. 

Ǩeäk vuäiʹtte jiõnsted europarlameʹnttvaalin?

Peällõõǥǥ da vaʹlljeeiõhttõõzz vuäiʹtte piijjâd võboršiiʹǩǩid europarlameʹnttvaalid. Pijjum võboršeeʹǩǩ lie jiõnstemnalla veezz jânnam.

Vuäitak jiõnsted europarlameʹnttvaalin, ko teâudak 18 mââimõõzzâst vaalpeiʹvven da leäk Lääʹdd meerlaž. Jeeʹres EU vuäzzlažriikk meerla vuäiʹtte še jiõnsted Lääʹddjânnmest europarlameʹnttvaalin tiõttum määinaivuiʹm. Looǥǥ ääʹšš pirr lââʹzz lääʹddǩiõllsaž seeidain.