Koon nalla vuäitt jiõnsted
Vuäitak jiõnsted juʹn-a õuʹddel vaali õuddjiõnstummšest leʹbe vaalpeiʹvven. Vuäitak jiõnsted tåʹlǩ õʹhttešt. Vuäitak jiõnsted tåʹlǩ tõn jiõnstempääiʹǩest, kååʹtt lij mieʹrǩǩuum tuʹnne vuõlttuum jiõnnvuõiggâdvuõttiʹlmmtõʹsse.
Õuddjiõnstemääiʹj vuäitak jiõnsted õuddǩiõʹtte koon täättas õuddjiõnstempääiʹǩest dommjânnmest leʹbe ålggjânnmin. Õuddjiõnstempäiʹǩǩen lie
- dommjânnmest kooʹddi mieʹrreem õuddjiõnstempääiʹǩ
- määŋg Lääʹddjânnam eeʹttkâʹsttõõzz ålggjânnmin
- stroiʹttel, mâʹte puõccipõõrt, sosiaalhuâl toiʹmmjuâkkaz da raŋstõs-stroiʹttel. Stroiʹttlin vuäiʹtte jiõnsted tåʹlǩ tõin håiddamnalla åårrai leʹbe tõid valddum oummu.
- lääʹdd päärhååʹd, kook lie ålggjânnmin õuddjiõnstem ääiʹj. Päärhåʹdjiõnstummšest vuäǯǯ jiõnsted tåʹlǩ päärhååʹd tuâjjlažkåʹdd, maatkčeei jie vueiʹt jiõnsted päärhååʹdest.