Vuʹvdd- da kåʹddvaal 2025

Vuʹvdd- da kåʹddvaalid jäʹrjstet õhttna njuhččmannust 2025. Jiõnsteeʹl vaaiktak tõõzz, ǩeäk tuʹmmee tääʹrǩes, juõʹǩǩka aarǥ kuõskki aaʹššin pueʹtti neellj eeʹjj ääiʹj.

• Vuʹvddvaalin vaʹlljeet väʹlddõsniiʹǩǩid vuʹvddväʹlddõʹsse. Sij tuʹmmee pueʹrrvââjjamvuuʹdi sosiaal- da tiõrvâsvuõttkääzzkõõzzi di peälštemtooiʹm jäʹrjstummšest. 
• Kåʹddvaalin vaʹlljeet väʹlddõsniiʹǩǩid kååʹdd väʹlddõʹsse. Sij tuʹmmee kååʹdd toiʹmmjummšest da tällõõzzâst. 

Heʹlssnest jälsteei jiõnste tåʹlǩ kåʹddvaalin tõn diõtt, što Heʹlssen ij kuul ni koon pueʹrrvââjjamvoudda. Heʹlssnest sosiaal- da tiõrvâsvuõttkääzzkõõzzin di peälštemtooiʹmest vaʹsttad gåårad.

Eeʹjj 2025 vuʹvdd- da kåʹddvaali äiʹǧǧtaull 

Vuäitak jiõnsted juʹn õuddǩiõʹtte leʹbe vaalpeeiʹv

Teâđ õuddjiõnstempaaiʹǩin kaaunak vuõiggâdvuõttministeria teâtt- da puäđõskääzzkõõzzâst (ođđeeʹjjmannu 2025 looppâst).

Teâđ vaalpeeiʹv jiõnstempääiʹǩstad kaaunak tuʹnne pueʹtti jiõnnvuõiggâdvuõttiʹlmmtõõzzâst leʹbe addrõsooccâm vuâđald Digi- da meerteâttkonttâr jiõnstempäiʹǩǩ-kääzzkõõzzâst 18.3.2025.

Nääiʹt jiõnstak õuddǩiõʹtte seämma-äiggsaž vuʹvdd- da kåʹddvaalin
Nääiʹt jiõnstak vaalpeeiʹv seämma-äiggsaž vuʹvdd- da kåʹddvaalin

Lââʹssteâđ jiõnstummšest vuäǯǯak määusteʹmes kääzzkõsnââmrest 0800 9 4700 (lääʹdd& eŋgglõs) da 0800 9 4771 (ruõcc & eŋgglõs) di WhatsApp-saakk-kääzzkõõzzâst 050 438 8730. Kääzzkõs ävvan 1.2.2025.

Ǩii vuäǯǯ jiõnsted?

• Vuʹvddvaalin jiõnnvuõiggâdvuõttum lie pueʹrrvââjjamvuuʹdest jälsteei Lääʹddjânnam, jeeʹres EU-vuäzzlažriikki di Islaant da Taarrjânnam meerla, kook lie teâuddam 18 eeʹǩǩed mââimõõzzâst vaalpeeiʹv 13.4.2025. Lââʹssen jiõnnvuõiggâdvuõttum vuʹvddvaalin lie pueʹrrvââjjamvuuʹdest jälsteei jeärraz ålggjânnamneeʹǩǩ tiõttum määinaivuiʹm. Heʹlssnest jälsteeʹjin ij leäkku jiõnnvuõiggâdvuõtt 

• Kåʹddvaalin jiõnnvuõiggâdvuõttum lie kååʹddest jälsteei Lääʹddjânnam, jeeʹres EU-vuäzzlažriikki di Islaant da Taarrjânnam meerla, kook lie teâuddam 18 eeʹǩǩed mââimõõzzâst vaalpeeiʹv 13.4.2025. Lââʹssen jiõnnvuõiggâdvuõttum kåʹddvaalin lie kååʹddest jälsteei jeärraz ålggjânnamneeʹǩǩ tiõttum määinaivuiʹm.

Lââʹssteâtt jiõnnvuõiggâdvuõđâst vuʹvdd- da kåʹddvaalin

Iʹlmmtõs jiõnnvuõiggâdvuõđâst

Jos tuʹst lij vuõiggâdvuõtt jiõnsted, tuʹnne vuõltteet jiõnnvuõiggâdvuõttiʹlmmtõõzz. Jiõnnvuõiggâdvuõttiʹlmmtõõzz vuõltteet juʹn-a pååʹšt mieʹldd leʹbe liâđǥlânji Suomi.fi-kääzzkõʹsse. Lââʹssteâđ kääzzkõõzzâst kaaunak addrõõzzâst suomi.fi/viestit.