Guovllu- ja gielddaválggat 2025

Guovllu- ja gielddaválggat lágiduvvojit oktanaga cuoŋománus 2025. Jienastemiin leat mielde váikkuheamen dasa, geat galget mearridit dehálaš áššiin, mat gusket juohkehačča árgabeaivái boahttevaš njeallje jagi.

• Guovlluválggain válljejuvvojit áirasat guovllustivrii. Sii mearridit buresveadjinguovlluid sosiála- ja dearvvašvuođabálvalusaid ja gádjundoaimma ordnemis.
• Gielddaválggain válljejuvvojit áirasat gielddastivrii. Sii mearridit gieldda doaimmain ja ruhtadoalus.

Helssetlaččat jienastit dušše gielddaválggain, daningo Helsset ii gula mange buresveadjinguvlui. Helssegis sosiála- ja dearvvasvuođabálvalusain ja maiddái gádjundoaimmas vástida gávpot.

Jagi 2025 guovllu- ja gielddaválggaid áigetávval 

Sáhtát jienastit juogo ovddalgihtii dahje válgabeaivve

Dieđuid ovdajienastanbáikkiin gávnnat vuoigatvuođaministeriija diehto- ja boađusbálvalusas (ođđajagimánu 2025 loahpas).

Dieđu du válgabeaivvi jienastanbáikkis gávnnat dutnje sáddejuvvon jienastanvuoigatvuođaalmmuhusas ja čujuhusohcama vuođul Digi-ja álbmotdiehtodoaimmahaga jienastanbáikebálvalusas 18.3.2025 rájes.

Eanet dieđuid jienasteamis oaččut nuvttá bálvalannummiris 0800 9 4700 (suoma- ja eŋgelasgiella) ja 0800 9 4771 (ruoŧa- ja eŋgelasgiella) ja WhatsApp-dieđihanbálvalusas 050 438 8730. Bálvalus rahpasa 1.2.2025.

Gii oažžu jienastit?

• Guovlluválggain jienastanvuoigadahtton leat buresveadjinguovllus ássi Suoma, eará EU-lahttoriikkaid sihke Islándda ja Norgga riikkavuložat, geat leat deavdán 18 jagi maŋimustá válgabeaivve 13.4.2025. Lassin jienastanvuoigatvuođalaččat guovlluválggain leat buresveadjinguovllus ássan eará olgoriikkalaččat dihto eavttuid mielde. Helssetlaččain ii leat jienastanvuoigatvuohta guovlluválggain.

• Gielddaválggain jienastanvuoigadahtton leat gielddas ássi Suoma, eará EU-lahttoriikkaid sihke Islándda ja Norgga ássit, geat leat deavdán 18 jagi maŋimustá válgabeaivve 13.4.2025. Lassin jietnavuoigadahtton gielddaválggain leat gielddas ássi eará olgoriikkalaččat dihto eavttuiguin. 

Almmuhus jietnavuoigatvuođas

Jus dus lea vuoigatvuohta jienastit, de dutnje sáddejuvvo jienastanvuoigatvuođaduođaštus. Jietnavuoigatvuođaalmmuhus sáddejuvvo juogo poastta dahje elektrovnnalaččat Suomi.fi-bálvalussii. Lassedieđuid bálvalusas gávnnat čujuhusas suomi.fi/viestit.