Vuoiŋŋahatinfekšuvnnaid áigodat ja presideanttaválga

Jagi 2024 presideanttaválggat doaimmahuvvojit álgojagis, goas Suomas oalle sihkkarit leat vuoiŋŋahatinfekšuvnnat jođus.

Riikkabeaiválggain jagi 2023, guovlluválggain jagi 2022 ja gielddaválggain jagi 2021 jienastanbáikkiin čuvvojuvvojedje máŋggabealat ordnemat, maiguin sihkkarastui jienasteapmi koronadilis fuolakeahttá. Vuoigatvuođaministeriija ja THL barget maiddái presideanttaválgga oktavuođas oktasašbarggu dárbbu mielde. Vuoigatvuođaministeriija ja THL addet rávvagiid sierra válggaid dearvvasvuođadorvvolaš ordnemis, juos dilli nu eaktuda.

Áigeguovdilis diehtu koronavirusdilis Dearvvasvuođa ja buresveadjima lágádusa neahttasiidduin