EU-válggat 2024
Eurohpa uniovnna riikkavuložat válljejit
Eurohpa parlamentarihkkáriid
válggain viđa jagi gaskka.
Suomas válljejuvvojit
Eurohpa parlamentii
15 lahtu dahjege europarlamentarihkkára
EU-válggat dahje europarlamentii válggat lágiduvvojit
buot Eurohpa uniovnna lahttoriikkain
seamma áigge.
Eurohpá uniovnnas leat 27 lahttoriikka.
jagi 2024 EU-válggaid áigeplána Suomas lea:
- Válgabeaivi lea sotnabeaivi 9.6.2024.
- Ovdajienasteapmi ruovtturiikkas lea 29.5.-4.6.2024.
- Ovdajienasteapmi olgoriikkas lea 29.5.-1.6.2024.
Eurohpá parlameantta doaimmat
Eurohpá parlameanta lea
Eurohpá uniovnna álbmotovddastanorgána.
Eurohpá parlameanta mearrida lágaid
ovttasráđiid Eurohpá uniovnna ráđiin.
Ráđđi ovddasta
Eurohpa uniovnna lahttoriikkaid.
Eurohpa parlameanta dohkkeha
Eurohpá uniovnna bušeahta
ovttas ráđiin.
Eurohpá parlameanta goziha
kommišuvnna ja Eurohpá uniovnna doaimmahagaid.
Gii oažžu jienastit?
Don sáhtát jienastit EU-válggain, jos
- leat deavdán 18 jagi maŋimustá 9.6.2024 ja
- leat Suoma riikkavuloš dahje
- leat Eurohpa uniovnna miellahttostáhta riikkavuloš ja leat dieđihuvvon jienastanvuoigatvuođaregistarii Suomas maŋimustá 21.3.2024.
Gean sáhtát jienastit?
Bellodagat ja válgasearvvit sáhttet ásahit
evttohasaid EU-válggaide.
Evttohas galgá leat jienastanvuoigadahtton Suoma riikkavuloš dahje
Suoma jienastanvuoigatvuođaregistarii váldon
Eurohpa uniovnna lahttoriikka riikkavuloš.
Eurohpá uniovnna evttohasat
leat evttohassan olles riikkas,
nuba sáhtát jienastit vaikko guđe evttohasa.
Juohke evttohasas lea iežas evttohasnummir.
Evttohasaid nummárat leat oaidnimis
vuoigatvuođaministeriija boađusbálvalusas,
jienastanbáikkiin ja jienastanskáhpiin.
Oaččut evttohasaid birra dieđuid
ovdamearkan aviissain, televisios ja interneahtas.
Jienastanvuoigatvuođaalmmuhus
Jos dus lea riekti jienastit,
oaččut das reivve iežat ruktui.
Oaččut jienastanvuoigatvuođaalmmuhusa dušše elektrovnnalaččat,
juos leat váldán Suomi.fi-bálvalusa atnui.
Suomi.fi lea Digi- ja álbmotdiehtodoaimmahaga bálvalus.
Sáhtát lohkat das eanet čujuhusas www.suomi.fi/viestit
Sáhtát válljet,
jienastatgo válgabeaivvi vai ovddalgihtii.
Jus jienastat válgabeaivvi,
geahča du jienastanbáikki jietnavuoigatvuođaalmmuhusas.
Jus jienastat ovddalgihtii,
de sáhtát jienastit vaikko man
ovdajienastanbáikkis.
Du jietnavuoigatvuođaalmmuhusa mielde lea listu
du lagašguovllu ovdajienastanbáikkiin.
Váldde fárrui personduođaštusa jienastanbáikái.
Jienastanvuoigatvuođaalmmuhusa ii dárbbaš váldit fárrui
jienastanbáikái.
Ruovttujienasteapmi
Jos du lihkadeapmi dahje doaibma lea nu ráddjejuvvon,
ahte du lea dohkketmeahttun váttis
mannat jienastanbáikái ja jienastit doppe,
sáhtát jienastit ovddalgihtii ruovttus.
Almmut ruovttujienasteapmái
iežat gieldda guovddášválgalávdegoddái
maŋimustá 28.5.2024 dmu 16 rádjai.
Telefonnummir gávdno jienastanvuoigatvuođadieđáhusas.
Sáhtát jearrat guovddášválgalávdegottis
lassedieđuid ruovttujienasteami birra.
Ná jienastat ovddalgihtii
Sáhtát jienastit EU-válggain ovddalgihtii
vaikko guđe ovdajienastanbáikkis.
Ovdajienasteapmi Suomas lea 29.5. – 4.6.2024.
Ovdajienasteapmi olgoriikkas lea 29.5. – 1.6.2024.
Váldde jienastanbáikái mielde govalaš personduođaštusa,
ovdamearkan pássa, personkoarta dahje vuodjinkoarta.
Doaimma ná ovdajienastanbáikkis:
- Čájet personduođaštusa válgavirgeolbmui. Virgeolmmoš addá dutnje jienastanlihpu.
- Mana jienastanskáhppii. Čále jienastanlihppui čielgasit dan evttohasa nummira, maid jienastat. Ale čále maidige eará jienastanlihppui. Evttohasaid nummiriid oainnát evttohaslisttus, mii lea jienastanskáhpe seainnis.
- Máhco jienastanlihpu guovdu nu, ahte ii oktage oainne nummira.
- Máhca válgavirgeolbmo lusa. Son steampilastá jienastanlihpu ja addá dutnje ruškes konfeluhta.
- Bija steampilastojuvvon jienastanlihpu konfeluhttii ja liibme dan gitta.
- Válgaáittardeaddji bivdá du čállit vuollái skovi. Vuolláičállosiin duođaštat, ahte don ieš leat deavdán jienastanlihpu, ožžon steampila ja bidjan dan konfeluhttii.
- Loahpas virgeolmmoš bidjá ruškes konfeluhta ja skovi fiskes konfeluhttii. Virgeolmmoš liibme fiskes konfeluhta gitta. Vuolggahus doaimmahuvvo du ruovttugieldda guovddášválgalávdegoddái.
Ná jienastat válgabeaivvi
Válgabeaivi lea sotnabeaivi 9.6.2024.
Válgabeaivve jienastanbáikkit leat rabas diibmu 9–20.
Don sáhtát jienastit dušše dan jienastanbáikkis,
mii lohká du jietnavuoigatvuođaalmmuhusas.
Váldde jienastanbáikái mielde govalaš personduođaštusa,
ovdamearkan pássa, personkoarta dahje vuodjinkoarta.
Doaimma ná jienastanbáikkis:
- Čájet personduođaštusa válgavirgeolbmui. Virgeolmmoš ohcá du nama válgalogahallamis ja addá dutnje jienastanlihpu.
- Mana jienastanskáhppii. Čále jienastanlihppui čielgasit dan evttohasa nummira, maid jienastat. Ale čále maidige eará jienastanlihppui. Evttohasaid nummiriid oainnát evttohaslisttus, mii lea jienastanskáhpe seainnis.
- Máhco jienastanlihpu guovdu nu, ahte ii oktage oainne nummira.
- Máhca válgavirgeolbmo lusa. Son steampilastá jienastanlihpu.
- Luoitil steampilastojuvvon jienastanlihpu válgaurdnii.
Geas oažžut veahki?
Válgavirgeolbmot rávvejit ja veahkehit du
jienastanbáikkis.
Jienastanbáikkis lea maiddái válgaveahkki.
Sáhtát bivdit su veahkkin jienastanskáhppii,
jos it ieš nákce čállit
evttohasa nummira jienastanlihppui.
Válgaveahkkin sáhttá doaibmat maiddái olmmoš,
gean ieš leat válljen.
Son sáhttá leat ovdamearkan oapmahaš dahje lagašolmmái.
Válgabargi ii oaččo goittotge
leat evttohas dahje evttohasa lagašolmmoš.
Válgaveahkki ii oaččo muitalit,
gean don jienastit.
Válgačiegusvuohta
Juohkehaš mearrida ieš,
háliidago jienastit ja gean jienastit.
Válgačiegusvuohta mearkkaša dan,
ahte don it dárbbaš muitalit geasege,
gean jienastat.
Válgačiegusvuođa dihtii
deavddát jienastanlihpu jienastanskáhpes.
Jienas EU-válggain!
Ná váikkuhat dasa, geat ovddastit Suoma
Eurohpa parlameanttas čuovvovaš vihtta jagi.
Dán gihppagis muitalat čielgagielain
jienasteamis ja EU-válggain 2024.
Loga lasi čujuhusas:
vaalit.fi
elections.europa.eu/fi
selkokeskus.fi
Sáhtát jearrat válggain ja jienasteamis
maiddái vuoigatvuođaministeriija bálvalannummiris
0800 9 4770.
Sáhtát sáddet jearaldagat maiddái WhatsApp-dieđuin
nummirii 050 438 8730