Vuoigatvuođaministeriija addá rávvagiid dorvvolaš jienasteamis koronaáigge

Vuoigatvuođaministeriija
Julkaisuajankohta 11.1.2022 15.16
Ođas
Vaalit. Val.

Vuoigatvuođaministeriija válgasiidduin vaalit.fi gávdnojit jienasteaddjiide rávvagat dearvvašvuođadorvvolaš jienasteapmái koronaáigge. Guovlluválggaid guoskevaš rávvagat leat válmmaštallojuvvon ovttasbarggus Dearvvašvuođa ja buresveadjima lágádusain.

​​​​​​Guovlluválggat doaimmahuvvojit epidemiijadili gáibidan ordnemiiguin. DBL:a oainnu mielde jienasteapmi lea unnán riskka doaibma. Jus báikkálaš dearvvašvuođavirgeoapmahaččat addet čavggabut rávvagiid, dat čuvvojuvvojit vuoigatvuođaministeriija ja DBL:a rávvagiid sajis.

Vaalit.fi-siidduin jienasteaddjiide leat rávvagat dorvvolaš jienasteapmái koronaáigge. Ámadadjosuoji ja giehtadesinfiserendoidosa geavaheapmi lea dehálaš ja nu maiddái doarvái guhkes dorvogaskka seailluheapmi earáide jienastettiin. Válgavirgeolbmot bearráigehččet dorvvolašvuođa jienastanbáikkis ja rávvejit rávvagiid čuovvumii.

Vuoigŋanoalledávdamearkkain, koronavirusii dávdaluvvan ja doaktára mearridan karanteanas dahje erremis lean jienasteaddjiid várás leat plánen sierradoaimmaid jienasteami vejolažžan dahkamii. Ovdajienastanáigge jienasteaddji galggašii vuordit vuoigŋanoalledávdamearkkaid, karanteana dahje errema nohkama ovdal go jienasta. Válgabeaivve karanteanas dahje erremis lean galgá riŋget jienastanbáikki šiljus lean nummirii jienasteami vejolažžan dahkama várás. Jienasteaddjit sáhtte jearrat rávvagiid sierraordnemiin iežas gielddas guovddášválgalávdegottis.

Vaalit.fi-siidduin almmustahtton ođđasis muitalit jienasteaddji personvuođa dárkkisteamis jienastanbáikkis. Personvuođa gávnnaheami várás válgavirgeolmmoš sáhttá bivdit jienasteaddji váldit ámadadjosuoji vehá áigái eret. Válgavirgeolbmo ja jienasteaddji gaskkas lea suodjepleksa.

Guovlluválggaid ovdajienastanáigge buot olgojienastanbáikkit bálvalit buohkaid buresveadjinguovlluid jietnavuoigadahtton olbmuid. Jienasteaddji sáhttá válljet ovdajienasteamis, makkár ovdajienastanbáikkis ja goas jienasta. Aitosaš válgabeaivve sáhttá jienastit dušše dan báikkis, mii lohká jietnavuoigadahtton olbmuide sáddejuvvon jietnavuoigatvuođaalmmuhusas.


Rávvagat dorvvolaš jienasteapmái koronaáigge
Vuoigatvuođaministeriija válgasiiddut Vaalit.fi
Gielddaid guovddášválgalávdegottit (suomagillii)
Vaalit.fi: Personvuođa duođašteapmi jienastanbáikkis​​​