Presideʹnttvaal 2024: puk ouddjiõnstempääiʹǩ neeʹttest addrõõzzâst vaalit.fi

Ođđeeʹjjmään presideʹnttvaal õõlmâs ouddjiõnstempaaiʹǩi addrõõzz da äävaiåårramääiʹj käunnʼje ååʹn vuõiggâdvuõttministeria vaalseeidain vaalit.fi. Seämma loǥstõʹǩǩe liâ norrum nuʹt šâddjânnmest ǥu ålggjânnmin åårrai ouddjiõnstempääiʹǩ.

Tääʹssvääʹld presideʹnttvaal 2024 jäʹrjstet pâʹsspeeiʹv 28.1.2024 da ouddjiõnstummuš 17.-23.1. (ålggjânnmin 17.-20.1.) Vueiʹtlvaž nuʹbb vaal riâžžât pâʹsspeeiʹv 11.2.2024 da tõn ouddjiõnstummuš 31.1.-6.2.(ålggjânnmin 31.1.-3.2.).

Šâddjânnmest liâ tän vuâra õhttsiʹžže x õõlmâs ouddjiõnstempääiʹǩ. Ouddjiõnstempääiʹǩ liâ väʹlddääʹššest kåʹddpõõrtin, ǩeʹrjjpõõrtin leʹbe kauppkõõskõõzzin. Ålggjânnmin ouddjiõnstempääiʹǩ liâ 89 jeeʹres riikkâst õhttsiʹžže 220 Lääʹddjânnam eeʹttkâsttõõzzâst leʹbe eeʹttkâsttõõzz tåimmpääiʹǩest. Pieʹǩǩ ouddjiõnstempaaiʹǩin liâ äävai tåʹlǩ kooi-ne ouddjiõnstempeeiʹvin.

Ouddjiõnstempoddân da vaalpeiʹvven jälsteei jiõnnvuõiggâdvuõttneeʹǩǩ vueiʹtte ouddjiõnsted še ǩeʹrjjpååʹštin ålggjânnmin. Vuäppõõzz ǩeʹrjjpååʹštjiõnstummša käunnʼje vuõiggâdvuõttministeria vaalseeidain.

Šâddjânnmest kååʹdd teâđte jiõnstempaaiʹǩineez še jiijj.

Lââʹssteâđ:
spesiaaläʹšštobddi Laura Nurminen, teʹl. 0295 150 008, [email protected]
spesiaaläʹšštobddi Elina Rissanen, teʹl. 0295 150 248, [email protected]
vaaljååʹđteeʹjj Arto Jääskeläinen, teʹl 0295 150 128, [email protected]

Teâđaid presideʹnttvaalin da jiõnstummšest: vaalit.fi (lääddas)

Presideʹnttvaal jiõnstempääiʹǩ (lääddas)

Vuäppõõzz ǩeʹrjjpååʹštjiõnstummša (lääddas)