Presidentvaaljâ 2024: puoh munejienâstemsajeh neetist čujottâsâst vaalit.fi

Uđđâivemáánu presidentvaaljâ almolij munejienâstemsoojij čujottâsah já ávusorroomääigih kávnojeh tääl riehtiministeriö valjâsiijđoin vaalit.fi. Siämmáá luvâttâlmân láá nurrum sehe päikkienâmist já olgoenâmijn orroo munejienâstemsajeh.

Täsivääldi president vaaljâ 2024 uárnejuvvoo pasepeeivi 28.1.2024 já munejienâstem 17.-23.1. (olgoenâmijn 17.-20.1.) Máhđulâš nubbe vaaljâ uárnejuvvoo pasepeeivi 11.2.2024 já ton munejienâstem 31.1.-6.2. (olgoenâmijn 31.1.-3.2.).

Päikkienâmist láá tääl ohtsis 955 almos munejienâstemsaijeed. Munejienâstemsajeh láá iänááš kieldâtááluin, kirjeráájuin tâi kävppikuávdáin. Olgoenâmijn munejienâstemsajeh láá 89 sierâ staatâst ohtsis 220 Suomâ ovdâstusâst teikâ ovdâstus toimâsaajeest. Uási munejienâstemsoojijn láá ávus tuš motomijn munejienâstempeeivijn.

Jienâvuoigâdvuođâliih, kiäh oroh olgoenâmijn munejienâstemääigi já valjâpeeivi, pyehtih jienâstiđ meid reiváin olgoenâmijn. Ravvuuh reivâjienâstem várás kávnojeh riehtiministeriö valjâsiijđoin.

Päikkienâmist kieldah tieđetteh meid jieš jieijâs jienâstemsoojijn.

Lasetiäđuh:
sierânâsäššitobdee Laura Nurminen, p. 0295 150 008, ovdânommâ.suhânommâ@gov.fi
sierânâsäššitobdee Elina Rissanen, p. 0295 150 248, ovdânommâ.suhânommâ@gov.fi
valjâhovdâ Arto Jääskeläinen, p. 0295 150 128, ovdânommâ.suhânommâ@gov.fi

Tiäđuh presidentvaaljâst já jienâstmist: vaalit.fi (suomas)

Presidentvaaljâ jienâstemsajeh (suomas)

Ravvuuh reivâjienâstem várás (suomas)