Guovlluválggat: Personvuođa duođašteapmi jienastanbáikkis

Vuoigatvuođaministeriija
Julkaisuajankohta 29.12.2021 11.15
Ođas

Jagi 2022 guovlluválggain jietnavuoigadahtton galgá duođaštit personvuođas válgavirgeolbmui seammá láhkai go eará válggainge. Personvuođa sáhttá duođaštit áššegirjjiin mas lea govva, ovdamearkan bolesa mieđihan personkoarttain, pássain dahje vuodjinkoarttain.

Čielggadeapmin personvuođas sáhttá dohkkehuvvot maiddái ng. bábir vuodjinkoarta, jus válgavirgeolmmoš dovdá jienasteaddji das lean govas. Mihtilmas lea, ahte válgavirgeolmmoš sáhttá leat sihkkar jienasteaddji personvuođas.

Jus jietnavuoigadahtton olbmos ii leat personvuođa čujuhan fámus lea áššegirji, son sáhttá oažžut boleslágádusas nuvttá, gaskaboddasaš personkoartta jienasteami várás. 

Jienasteaddji dovdáma várás válgavirgeolmmoš sáhttá bivdit jienasteaddji váldit ámadadjosuoji vehá áigái eret ámadaju ovddas.

Rávvagat dorvvolaš jienasteapmái koronaáigge

Ođđajagimánus 2022 ordnejuvvon válggat leat nuppit válggat, mat ordnejuvvojit Suomas koronapandemiija áigge. Alla njoammunmeriin fuolatkeahttá guovlluválggaid dilli giđa gielddaválggaid ektui lea earálágan. Ođđajagimánus buohkat jietnavuoigadahtton olbmot leat háliidettiin geargan oažžut unnimustá guokte koronaboahku. Boahkut suddjejit bures eandalii duođalaš dávdahámi vuostá. DBL:a árvvoštallamiid mielde jienasteapmi lea vuollegaš riskka doaibma.

Vaalit.fi-siidduin jienasteaddjiide leat rávvagat dorvvolaš jienasteapmái koronaáigge. Ámadadjosuoji ja giehtadesinfiserendoidosa geavaheapmi lea dehálaš ja nu maiddái doarvái guhkes dorvogaskka seailluheapmi jienastettiin. Válgavirgeolbmot bearráigehččet dorvvolašvuođa jienastanbáikkis ja rávvejit rávvagiid čuovvumii. Jienasteaddjit sáhttet háliidettiin váldit mielde iežas peanna jienastanbáikái.

Vuoigŋanoalledávdamearkkain ja doaktára mearridan karanteanas dahje erremis lean jienasteaddjiid várás leat plánen sierradoaimmaid jienasteami ordnemii. Jienasteaddjit sáhtte jearrat rávvagiid sierraordnemiin iežas gielddas guovddášválgalávdegottis.

Guovlluválggaid sáhttá jienastit juogo ovdajienastanáigge 12.–18.1.2022 dahje aitosaš válgabeaivve 23.1.2022.

Luohtehahtti diehtu válggain – www.vaalit.fi
Koronarávvagat jienasteaddjiide – www.vaalit.fi
Dearvvašvuođa ja buresveadjima lágádus: Áigeguovdilis áššit koronavirusdilis

Vaalit.fi Twitteris
Vaalit.fi Facebookas
Válgavideot YouTubes
Válggaid telefonbálvalus suomagillii 0800 9 4770 ja ruoŧagillii 0800 9 4771
Válggaid WhatsApp-gulahallanbálvalus 050 438 8730