Presideantaválggat 2024: buot ovdajienastanbáikkit neahtas čujuhusas vaalit.fi

Ođđajagimánu presideantaválggaid almmolaš jienastanbáikkiid čujuhusat ja rabasáiggit gávdnojit dál vuoigatvuođaministeriija válgasiidduin vaalit.fi. Seamma listui leat čohkkejuvvon sihke ruovtturiikka ja olgoriikkaid ovdajienastanbáikkit.

Dásseválddi presideanta válggat 2024 ordnejuvvojit sotnabeaivve 28.1.2024 ja ovdajienasteapmi 17.-23.1 (olgoriikkain 17.-20.1.) Vejolaš nuppit válggat ordnejuvvojit sotnabeaivve 11.2.2024 ja dan ovdajienasteapmi 31.1.-6.2. (olgoriikkain 31.1.-3.2.). 

Ruovtturiikkas lea dán háve oktiibuot 955 almmolaš ovdajienastanbáikki. Ovdajienastanbáikkit leat váldoosiin gielddadáluin, girjerájuin dahje gávpeguovddážiin. Olgoriikkain ovdajienastanbáikkit leat 89 sierra stáhtas oktiibuot 220 Suoma ovddastusas dahje ovddastusa doaibmabáikkis. Muhtun ovdajienastanbáikkit leat rabas dušše dihto ovdajienastanbeivviin.

Ovdajienastanáigge ja válgabeaivve jietnavuoigadahtton olbmot, geat leat olgoriikkain, sáhttet ovdajienastit maiddái reivviin olgoriikkas. Rávvagat reivejienasteapmái gávdnojit vuoigatvuođaministeriija válgasiidduin.

Ruovtturiikkas gielddat almmuhit jienastanbáikkiidis birra maiddái ieš.

Lassedieđut:
erenoamášáššedovdi Laura Nurminen, t. 0295 150 008, [email protected]
erenoamášáššedovdi Elina Rissanen, t. 0295 150 248, [email protected]
válgahoavda Arto Jääskeläinen, t. 0295 150 128, [email protected]

Dieđut presideantaválggaid ja jienasteami birra: vaalit.fi (suomagillii)

Presideantaválggaid jienastanbáikkit (suomagillii)

Rávvagat reivejienasteapmái (suomagillii)